من ويـن انتـي ؟
_ من وين انتي _ سيناريـو يتكرر من حين لآخـر.. خاصة عند تسجيلي في معاملات رسميـه. رغم أن الاجابه بسيطه وواضحه الا أنني اكتشفت بالنهايه بأنني لست من يقرر من وين أنا !
من ويـن انتـي ؟
من فلسطيـن .. (بكل فخــر)
من غـزة ؟
لأ .. من حيـفا
معك وثيقـه ؟
لأ .. معي جـواز سفـر
فلسطينـي ؟
لأ أردنـي !
يعنـي أردنيـه ؟
لأ فلسطينيه كُـح ( يعني قلبا و قالبا )
بس ما بتروحي على فلسطين صح ؟ ساكنـه بالأردن ؟
لأ بروح على الضفه ..
كيف ؟
معي هويـه فلسطينيه .. و كرت أخضر !
شو يعني كرت أخضر ؟
علمي علمـك !
بتقدري تروحي على حيفـا ؟
لا .. بروح طولكرم .. رام الله .. نابلس .. مناطق الضفه الغربيه
يعني مو على حيفـا ؟
لأ !
طب يعني أول ما تدخلـي فلسطين وين بتروحي ؟
على بيتنـا اللي ب طولكـرم
بس انتي شو جواز سفرك ؟
أردنـي ..
معناهـا لازم أسجلك عندي أردنيـه
طب معي جواز كندي كمان، و مقدمه على الاسترالـي و الفرنسـي، و هجرة على السويد ، مسقط رأسي الريـاض و اقامتـي في أبوظبـي .. يعني أنا شو من هدول ؟
شو قصدك ؟ يعني شو بتحبي أحطـك ؟
فلسطينيـه
ما بيصير.. جواز السفـر …
طيب .. أردنيـــه ……………………………….
ليش ما بقدر أقول انو انا فلسطينيه ؟
يمكن أصحاب الوثائق بيشوفو انو اللي معهم جواز سفر أحسن.. بس أنا بقولكم لأ .. انت بتقدر تقول انو انت فلسطيني ..
بس أنا ما بقدر ..
ليست هناك تعليقات:
إرسال تعليق